Katika historia ya muziki wa kizazi kipya nchini ni nadra kwa wasanii wa kike kushirikiana katika kazi zao, ikilinganishwa na wenzao wa kiume.
Yalikuwapo
makundi kadhaa likuwamo Kankaraga (Quenns of Swagger), Scopion Girls
lililoundwa na Jack Pentezel, Miriam Jolwa (jini kabula) na Isabela
Mpanda (Bela), The Trio lililoundwa na Kadja Nito, Angel Karashani na
Alice.
Hata hivyo, makundi hayo yamekuwa yakitofautiana na mwishowe baadhi yalivunjika.
Historia
inaonyesha kuwa imekuwa ni nadra kwa wasanii wa kike nchini kufanya
kazi pamoja huku mwimbaji Estelina Sanga maarufu Linah akiibeba historia
hiyo kutokana na kukubali kushirikishwa na msanii chipukizi Kadja Nito
katika wimbo wa ‘Mke Mwenzangu’.
Katika
mahojiano yafuatayo pamoja na mambo mengine, Linah anazungumzia kasumba
iliyopo kwa wasanii wa kike nchini kutopendana, akiweka wazi kwamba
kwake milango ipo wazi kwa yeyote anayetaka kushirikiana naye, ikiwa
anajituma, akiwa pia na kipaji.
“Masuala
ya kushikana mkono huku umebweteka sitaweza. Mtu atakayekuja kwangu,
aniambie nimetafuta huku, nimehangaika nimefika hapa na wimbo wangu huu
nifanyeje? Siwezi kumkatisha tamaa huyu ni lazima umtie moyo,”anasema.
Linah
anaweka wazi kuwa yeye pia alisaidiwa na watu aliowakuta katika fani
hiyo, akieleza: “Nimeingia THT nimemkuta Recho, nimefika pale mwaka
mmoja tu nikatoka, yeye alikuwa na miaka mitatu pale na hajatoka bado,
lakini alijitahidi na baadaye akafanikiwa.”
Anasema tatizo kubwa ni masengenyo na vikwazo vinavyowafanya wengi washindwe kukubali kufanya kolabo na wasanii wenzao.
Anabainisha kuwa hayo yalishawahi kumtokea yeye pia.
“Sisi
wasichana tuna wivu sana, kuna wasanii wawili niliwafuata lakini
wakaanza maneno pembeni, ndiyo maana wasichana tupo wachache kuliko
wanaume katika fani hii. Nilipoenda Afrika Kusini na kufanya kazi zangu,
sasa wameanza maneno, nimeyasikia jambo ambalo siyo kweli. Wanasema
ooh, ana mabwana wamempeleka kule na kumuunganisha.Jamani mtaishia hivyo
hivyo ni kujituma tu ndiyo silaha.”
Hata
hivyo, Linah anasema: “Mambo kama haya yanaturudisha nyuma, hebu
tuangalie wenzetu Rihanna na Shakira, wamefanikiwa katika kazi zao,
ukiangalia kwa hapa nchini hakuna kolabo zaidi ya mimi na Khadija, sisi
ni wa kwanza kwa wasichana.”
Anasema hilo lilijidhihirisha wakati ilifanyika kolabo ya Prokoto kati ya Ommy Dimpoz, Diamond na Victoria Kimani.
Linah anasema badala ya kutafuta uhusiano, wasanii wengi wa kike hapa nchini waliingia kwenye kusengenya.
“Wakati
Victoria Kimani amekuja, sikuwa hapa nchini nilikuwa Afrika Kusini,
kwanza nakumbuka nilimpigia simu Diamond nilimwambia ningekuwapo
ningefanya naye kolabo, unajua mimi ni mtu wa kujipendekeza sana,”
anasema Linah.
Akizungumzia
muziki wake kwa sasa, Linah anayefanya kazi chini ya lebo ya; No Fake
Zone ya Afrika Kusini, anasema kuwa amefanikiwa kuifikia ndoto aliyokuwa
nayo maishani mwake kutokana na kujipanga.
“Nikisema
najipanga huwa najipanga kweli, ndoto yangu ilikuwa ni kuja kuwa
mwanamuziki wa kimataifa, nilijipanga na nashukuru Mungu kwamba
nimefanikiwa.
Nilisafiri nikajifunza vitu vingi, nashukuru Mungu nimeweza kufikia lengo,” anasema Linah anayetamba na wimbo ‘Ole Themba’.
Linah
anasema : “Kufanya kazi na watu wengine nimejifunza mengi siyo kitu cha
mchezo. Aina Uhuru, Eskido na wengineo ni wasanii wakubwa sana, wenzetu
wameendelea kutokana na mafunzo waliyopewa, kitu kikubwa zaidi
nimejifunza ni kuingiza sauti.”
Msanii
huyo nyota anasema kuwa katika tasnia hiyo ni kama mtu anavyoamka
asubuhi kwenda kazini na msanii unapaswa kujiweka vizuri na kujithamini
mwenyewe kwanza.
“Nakumbuka
nilivyokuwa nikifanya kazi na God Father, aliniambia kwamba ni muhimu
msanii kuhakikisha hashuki chini, anatakiwa aendelee na mwendo huo,
alinishauri sana,”anasema.
Maisha
Kuhusu
maisha na kazi Linah anasema: “Cha kwanza ukiwa msanii unatakiwa
kujitambua, lakini pia kutambua shabiki ni mtu anayeweza kukugeuka. Mtu
wa nje hatakiwi kujua kitu gani umefanya ili uwe vile ulivyo.”
Anaongeza:
“Inawezekana kutengeneza fedha nyingi kupitia muziki wa Tanzania,
unapanga mwenyewe, lakini wengi wetu tunapenda zaidi starehe. Baadhi ya
shoo zilinisaidia kuhifadhi fedha kwenye kibubu.
Fedha
za shoo zimenisaidia kufanya mambo mengi, wengi wanajisahau kwamba
wanatakiwa kupanga kipato chao. Wengi tunajisahau, mwisho wa siku Linah
nikifanya hivi, yanaanza maneno ya uzushi, aah kahongwa yule, jambo
ambalo siyo zuri.”
Linah anaeleza kuwa msanii ni mtu wa kwanza kujitengenezea mazingira ya kuheshimika na kupendwa.
“Tujitengenezee
mazingira yatakayotupandisha. Kuna wakati tunakata tamaa, msanii fulani
anafanya muziki kama wangu, tusibweteke tupambane, muziki ni